أمس فرقعت الشاعرة إيمان البكري علي شاشة القاهرة اليوم قصيدها الرائعة «ديك أبوهم وديك أبونا »..
القصيدة توجه رسالة أرض أرض الي السادة أعضاء المجلس العسكري بقيادة السيد المشير ..
ياريت يقرأوها ، حتي يعرفوا حجم الجريمة التي إرتكبوها في حق المصريين . شبابا وشيوخا ، بناتا وصبيانا . رجالا ونساءا ..
الجريمة الأكبر التي إرتكبوها بتسليم مقاليد هذا البلد الي من لاي يستحق ..
وصدق عليهم القول : أعطي من لا يملك حقا لمن لا يستحق ..
يامصريين :
أقرأوا القصيدة ، وإخرجوا للعصيان المدني يوم ١١ فبراير .
شاهد وإسمع وانسخ وأنشر القصيدة علي كل الأحباب والأعداء أيضا .
يا صديقي ليه بتسأل ديك ابوهم اسمه ايه ... هما غاروا بديك ابوهم ديك ابونا احنا ايه
اللي علمنا الغباوة ف التفاهم و الحوار ... و اللي وقفنا ف مفارق نفسنا ناخد قرار
ديك ابوهم كان صريح ف التبجح و الفساد ... ديك ابونا كان مريح ف المهاودة و السكات
ديك ابوهم كان مفرعن كان بيحلم بالميراث ... استباح دم الغلابة كان نظام محروق بجاز ديك ابونا كان مالوش فرع اصلا من الاساس
ديك ابوهم كان مبارك من الابالسه و الفلول ... ديك ابونا كان مشارك بالتوافق و القبول
ديك ابوهم كان مسستم ع المصالح و التناحة و الغباء ... ديك ابونا كان متيس كان مهيس كان متيم بالولاء
يعني هما بديك ابوهم حولو بلادنا لتكيه ... و احنا برده بديك ابونا كان فارشين الوسية بالمباخر و الموالسة و المباركة و الدعاء
ديك ابوهم كان بيدن جيمي جاي ويا الرفاء ... ديك ابونا كان بيدن كوكو واوا و كوكو اي و كوكو واء يعني ديكنا و ديك ابوهم للاسف كانو سواء
ديك ابوهم كان شبه كل الديوك اللي فارضين الوصاية و التخلف على الشعوب
ديك ابونا قالنا طب ديكو على ديك الملوك يمشي و احد يجي واحد كلنا ف الهم واحد و الشعوب هي الشعوب
ديك ابوهم لما ثورنا قال على الثوار نواياهم لئيمة ... ديك ابونا لما ثورنا بكل همة حول الثورة لجريمة
ديك ابوهم لما اذنابو قالولنا ادخلوها خاضعين ... ديك ابونا لسه متدهول بيسأل الدخول يا جماعة افضل من الشمال ولا اليمين
ديك ابوهم كان مرستأ نفسه نزل احتياطي ... ديك ابونا كوتش خايب قام مسلم اعتباطي
هما جابو ف ديك ابونا جون ولكن بالتراضي ... و احنا جيبنا ف ديك ابوهم جون و لكن افتراضي
والنتيجة ديك ابوهم لسه كاره للادان ... لسه مطلوق حر رغم انه المدان
وديك ابونا لسه مسجون جوا حلمه و دمه سايح ف الميدان
يعني هما بديك ابوهم طلعوا ديك اللي جابنا
واحنا برده بديك ابونا لسه بنسدد حسابنا
يلا غارو بديك ابوهم و احنا على ديك اللي جابنا
ليست هناك تعليقات:
إرسال تعليق